په کابل کې د مهمو کسانو د ساتنې لوی ریاست یو افسر وژل شوی

کابل (پژواک، ۷ چنګاښ ۱۴۰۰): یوه امنیتي سرچینه وایي چې د مهمو کسانو د ساتنې عمومي ریاست یو افسر بسم الله غفاري د ناپېژاندو وسله والو له خوا د کابل ښار نولسمې حوزې اړوند، د څرخي پله په سیمه کې وژل شوی دی.

دغې سرچینې د نوم نه اخیستو په شرط پژواک ته وویل چې یاد افسر (بسم الله غفاري) نن له غرمې مخکې شاوخوا ۱۰ بجې د دولت وسله والو مخالفینو له خوا وژل شوی دی.

هغه وویل چې غفاري د بدخشان ولایت اوسېدونکی و.

د یادونې ده، تر اوسه د دې پېښې مسوولیت کومې ډلې یا کس پر غاړه نه دی اخیستی.