لومړی وزیر: استرالیا پام کې لري چې بېرته افغانستان ته خپل سرتېري ولېږي

کابل(پژواک، ۳۰ چنګاښ ۱۴۰۰): استرالیا وایي، له یوې میاشتې لږ موده کیږي چې له افغانستان څخه یې سرتېري ایستلي خو اوس په پام کې لري چې بېرته دغه هېواد ته خپل سرتېري ولېږي.

د استرالیا لومړي وزیر اسکات موریسون ویلي، په دې موخه چې د سرتېرو لېږل یې د امن لامل وګرځي دغه کار به ترسره شي.

د یادونې ده چې له افغانستان څخه د بهرنیو ځواکونو د وتلو په بهر کې د روان کال په جون میاشت کې استرالیایي سرتېري او دیپلوماټان له افغانستان څخه ووتل.

ټاکل شوې ټول بهرني سرتېري د روان کال تر سپټمبر میاشتې پورې له افغانستان څخه ووځي، د راپورونو له مخې تراوسه ۹۵سلنه بهرني ځواکونه له افغانستان څخه وتلي دي.