عبدالله د ترکیې او المان د بهرنیو چارو له وزیرانو سره د افغانستان د راتلونکی نظام په اړه خبرې کړې

کابل (پژواک، ۲ وږی ۱۴۰۰): د مخکني حکومت د ملي مصالحې عالي شورا مشر عبدالله وایي، د ترکیې او المان د بهرنیو چارو له وزیرانو سره یې په افغانستان کې د سولې او ثبات پر اصل او حکومت کې د خلکو د ګډون په اړه خبرې کړې دي.

عبدالله دغه څرګندونې نن پر خپلې فېسبوکپاڼه لیکلې دي.

عبدالله لیکلي، د ترکیې د بهرنیو چارو له وزیر چاوشش اوغلو او د المان د بهرنیو چارو له وزیر های کوماس سره یې د ټیلېفوني اړیکو له لارې د افغانستان پر وروستي وضعیت غږېدلی دی.

هغه زیاته کړې چې دوی په دغو خبرو کې په هېواد کې د سولې او ثبات پر اصل، په حکومت کې د خلکو پر ګډون او له نړۍ سره د افغانستان پر اړیکو خبرې کړې دي.

دا په داسې حال کې ده چې طالبانو د روانې میاشتې په ۲۴ مه کابل ونیو او دا مهال له پنجشېر پرته تول هېواد د طالبانو په واک کې دی.

طالب چارواکي وایي، په افغانستان کې د یو ټولګډون حکومت د جوړښت په اړه له نورو افغان سیاستوالو (د حزب اسلامي مشر ګلبدین حکمتیار، پخواني ولسمشر حامد کرزي، ډاکټر عبدالله او نورو) سره په خبرو بوخت دي.

Views: 18