کندوز ښار (پژواک، ٧ تله ١٤٠٠): د کندوز سوداګر وايي چې د امريکا له لوري د افغانستان د پيسو له کنګل کېدو وروسته خصوصي سکتور ته ميليونونه ډالر زيان رسېدلى دى.
امريکا د افغانستان څه باندې نهه ميليارده ډالر وروسته له هغه کنګل کړل چې د پلازمېنې کابل په ګډون د ټول هېواد واګې طالبانو په لاس کې واخيستې.
د اړوندې موضوع په اړه د کندوز سوداګرو د دغه ولايت په مرکز کې غونډه جوړه کړې وه.
په دې غونډه کې د کندوز سوداګرۍ خونې رييس متين يوسفزي وويل، که چېرې امريکا د افغانستان کنګل شوې پيسې ازادې نه کړي، هېواد به له يو لوى اقتصادي بحران سره مخ شي.
هغه زياته کړه: ((د امريکا دغه کار د بشري قوانينو خلاف عمل دى، موږ له ملګرو ملتونو غواړو چې پر امريکا فشار راوړي څو د افغانستان پيسې بېرته ازادې کړي.))
دغه راز د حاجي نسيم په نوم يوه سوداګر وويل، د يادو پيسو د کنګل کېدو له امله په هېواد کې د توکو نرخونه ډېر لوړ شوي چې خلک يې د اخيستلو توان نه لري.
ده زياته کړه: ((د امريکا دغه ډول کارونه په ښکاره ډول د افغانستان له خلکو سره دښمني ده.))
همدارنګه يو شمېر نورو کسانو هم ورته څرګندونې وکړې او ويې ويل، له کله چې امريکا د افغانستان پيسې کنګل کړې، له بېلابېلو لارو خصوصي سکتور ته ميليونونه ډالر زيان رسېدلى دى.
د غونډې په پاى کې د کندوز د اطلاعاتو او کلتور رييس مطيع الله روحاني وويل چې د سوداګرو لپاره به د ښه فعاليت کولو اړينه زمينه برابره شي.
ده هم له امريکا غوښتنه وکړه چې له بېوزلۍ او فقره د افغانستان د خلکو ژغورلو په موخه کنګل شوې پيسې بېرته ازادې کړي.
د راپورونو You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن