کابل (پژواک، ۲ ليندۍ ۱۴۰۰): د سره صليب نړیواله کمېټه وايي، پر افغانستان لګېدلو اقتصادي بندیزونو پراخ کړاو رامنځته کړی او په دې هېواد کې د لوږې د مخنیوي لپاره باید د نغدو پیسو استولو لارې وموندل شي.
د راپورونو له مخې، د سره صليب د نړیوالې کمېټې د اوپراتيفي چارو مشر دومېنيک ستېلهارت له مرسته ورکوونکو هېوادونو غوښتي چې د سختې خوارځواکۍ د مخنيوي لپاره دې افغانستان ته د پيسو استولو لارې ومومي.
دغه راز راپورونه ښیي چې دومېنيک نن د افغانستان د رییس الوزرا له سیاسي مرستیال مولوي عبدالکبیر سره هم په کابل کې کتلي دي.
هغه ويلي چې افغانستان ته د خپل سفر په ترڅ کې يې ماشومان ليدلي چې له سختې لوږې سره لاس او ګرېوان وو.
د ده په وینا، د یادې کمېټې د یوه پلان له مخې به د افغانستان له ۱۸ مهمو روغتونونو سره مالي او تخنیکي مرستې وشي.
هغه ویلي چې دا پلان د راتلونکو شپږو میاشتو لپاره دی، چې له مخې به یې د نږدې پنځه زره کارکوونکو د تنخواګانو او نورو لګښتونو ورکړه په کې شامله وي.
. . .
You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن