کابل (پژواک،۱۰ لیندۍ ۱۴۰۰): کام ایر هوایي شرکت، بهرنیو هېوادونو ته سوداګریزې الوتنې پیلوي او نن لومړنۍ الوتنه له کابل څخه دوبۍ ته کوي.
د افغانستان د سوداګرۍ او پانګونې خونې په خبرپاڼه کې راغلي چې د دغې ادارې او خصوصي سکټور د هڅو په پایله کې، بهرنیو هېوادونو ته د کام ایر هوايې شرکت سوداګریزې الوتنې پیل شوې.
سرچینې لیکلي چې د کام ایر لومړنۍ سوداګریزه الوتنه به نن له کابل څخه د متحده عربي اماراتو دوبۍ ښار ته ترسره شي.
د سرچینې د څرګندونو له مخې، په پام کې ده چې کام ایر نورو بهرنیو هېوادونو ته هم الوتنې پیل کړي.
په خبرپاڼه کې راغلي چې د افغانستان د سوداګرۍ او پانګونې خونه، د هېواد د سوداګرۍ پراختیا په ځانګړې توګه، د صادراتو او خلکو ته د چوپړ وړاندی کولو په برخه کې، د یو افغاني خصوصي شرکت بهرنیو هېوادونو ته الوتنې یو اړین ګام بولي او ستاینه يې کوي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن