کابل (پژواک، ۱۰ مرغومی ۱۴۰۰): پاکستاني چارواکي وايي چې په کوټه کې د یوې چاودنې له امله لږ تر لږه څلور کسان وژل شوي او ۱۵نور ټپیان شوي دي.
د خپرو شویو راپورونو په اساس، دغه چاودنه تېره ورځ ماښام هغه مهال رامنځته شوه چې د جمعیت علمای اسلام پلویان له یوې غونډې وروسته د کورونو پرلور روان وو.
د کوټې امنیتي مسوولینو رسنیو ته ویلي چې دغه چاودنه د یوه کنټرول کېدونکي ماین له امله رامنځته شوې ده .
د کوټې روغتیایي چارواکو ویلي چې د دغې چاودنې ټپیان نږدې روغتونونو ته وړل شوي چې د یوشمېر ټپیانو روغتیایي حالت د اندېښنې وړ دی.
پاکستانیو امنیتي کسانو دغه چاودنه یو “ترهګریز” عمل بللی او د عاملینو د نیولو ژمنه یې کړې ده .
تراوسه چا د دغې چادونې مسوولیت نه دی منلی.
ویل کیږي چې د ۲۰۲۱کال له پیل راهیسې تراوسه په بلوچستان ایالت کې ۲۶۲ د ناامنۍ پېښې رامنځته شوې دي چې له امله یې ۱۴۴کسان وژل شوي او شاوخوا ۵۰۰نور ټپیان دي.
Views: 37
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن