کابل (پژواک، د سلواغې لومړۍ نیټه ۱۴۰۰) : افغانستان د کرکټ په یوه ورځنۍ نړیواله لوبه کې هالینډ (نیدرلینډ) ته د ۳۶ منډو په توپیر سره ماتې ورکړه.
ددواړو هیوادونو ترمنځ ددرېیو ورځنیو لوبو لړۍ د افغانستان په کوربه توب په قطر کې ترسره کیږي. ددې لوبې پچه چې نن ترسره شوه، هالینډ وګټله او افغانستان ته یې د توپوهنې بلنه ورکړه.
افغانستان په ټاکل شویو ۵۰ اورونو کې د اتو لوبغاړو په سوځیدلو سره ۲۲۲ منډې جوړې کړې او هالینډ ته یې د ۲۲۳ منډو هدف ورکړ.
د ملي لوبډلې له لوري حشمت الله شهیدي ۷۳ ، رحمت شاه ۷۰ او عثمان غني ۲۴ منډې جوړې کړې.
د هالینډ لوبډله یاد هدف ترلاسه نه شو کړای او ټوله لوبډله یې په ۱۸۶ منډو وسوځیدله، دغه راز افغانستان دا لوبه د ۳۶ منډو په توپیر سره وګټله.
د افغانستان له لوري راشد خان درې، یمین احمدزي او مجیب ځدراڼ دوه دوه لوبغاړي وسوځول.
افغان لوبډلمشر حشمت الله شهیدي ددې لوبې غوره لوبغاړی اعلان شو.
دویمه لوبه به د راتلونکې یکشنبې په ورځ ترسره شي.
د افغانستان او هالنډ تر منځ دا لوبې د کرېکټ د نړیوالې شورا د سوپر لیګ برخه ده چې د ۲۰۲۳ نړیوال جام د غوراوي لپاره کېږي. افغانستان په دې ليګ کې ۳۰ نومرې يا پواينټونه لري.
Views: 86
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن