لاریون کوونکو د حکومت په رسمیت پېژندلو او د افغانستان د شتمنیو د ازادېدو غوښتنه وکړه

 پژواک (کابل، ۶ سلواغه ۱۴۰۰): په کابل کې ښځو لاریون کوونکو د دیني او ملي ارزښتونو پر ساتنې د ټينګار سربېره د افغانستان د شتمنیو د ازادېدو غوښتنه وکړه او په افغانستان کې د ملګرو ملتونو پخواني استازي هم ویلي چې امریکا باید د افغانستان شتمني ازاده کړي.

لسګونه افغان مېرمنو نن کابل کې د امریکا سفارت مخې ته له «موږ له خپلو ملي ارزښتونو دفاع کوو. موږ له خپل حکومته په کلکه ملاتړ کوو» شعارونو سره یې د سرپرست حکومت د په رسمیت پېژندلو غوښتنه وکړه او ویې ویل، د افغانستان شتمنۍ دې ازادې شي.

امریکا د افغانستان د تېر حکومت تر سقوط او د اوسني حکومت واک ته تر رسېدو وروسته د افغانستان نږدې ۱۰ میلیارد دالره شتمني کنګل کړې ده. یاد حکومت تر اوسه د کوم هېواد له خوا په رسمیت نه دی پېژندل شوی.

د بصیرې دیدار په نوم د لاریون یوې ګډونوالې وویل: ((موږ باید خپل فرهنګ وساتو، موږ د غرب فرهنګ نه غواړو او له نړۍ څخه خپل حق غواړو، د افغانستان کنګل شوې پیسې زموږ مسلم حق دی، د هېواد د کونډې او یتیم حق دی.))

login or register a new account.