د پنجشېر د امنیت امر حمید خراساني له یوې چاودنې روغ وتلی دی

چاریکار (پژواک، ۹ سلواغه ۱۴۰۰): د پنجشېر د امنیې قوماندانۍ د امنیت امر پر موټر چاودنه شوې خو زیان او مرګ ژوبله یې نه ده اړولې.

د پنجشېر امنیې قوماندانۍ د امنیت امر عبدالحمید خراساني د یاد خبر د تایید ترڅنګ پژواک خبري اژانس ته وویل چې نن سهار نهه نیمې بجې زما پر موټر د سړک غاړې ماین چاودنه کړې خو مرګ ژوبله نه لري.

هغه وایي، یاده پېښه د دغه ولایت د رخې ولسوالۍ پر لار په «ګرګوتي» سیمه کې هغه مهال رامنځته شوه چې ولایت ته پر لور روان و.

نوموړی زیاتوي چې چاودنه زوروره وه.