ايبک (پژواک، ٢٨ سلواغه ١٤٠٠): په سمنګان ولايت کې د فوټبال پيل شوې سيالۍ د حضرت سلطان لوبډلې په اتلوالۍ سره پاى ته ورسېدې.
دغه سيالۍ شاوخوا دوه اوونۍ وړاندې د همپالنې تر نامه لاندې په فيروز نخچير ولسوالۍ کې پيل شوې وې.
د فيروز نخچير ولسوالۍ د فوټبال مسوول امر شريف پژواک ته وويل چې دغه سيالۍ د شپږو لوبډلو ترمنځ پيل شوې وې.
دى وايي چې د يادو سياليو په لړ کې حضرت سلطان لوبډلې لومړى مقام او امير شېرعلي نوايي لوبډلې دويم مقام ترلاسه کړ.
همدارنګه د سمنګان د فوټبال فدراسيون مشر تاج محمد خداداد پژواک ته وويل چې ډېر ژر به د فوټبال ورته سيالۍ د ټولو ولسواليو د لوبډلو ترمنځ په مرکز ايبک کې پيل شي.
GET IN TOUCH
NEWSLETTER
SUGGEST A STORY
PAJHWOK MOBILE APP