استاد ګل زمان د ٨٢ کلونو په عمر ومړ

کابل (پژواک، ۷ کب ۱۴۰۰): د افغانستان مشهور سندرغاړى او د سندرو جوړونکى استاد ګل زمان د ٨٢ کلونو په عمر ومړ.

د راپورنو له مخې، استاد ګل زمان په پکتيا کې زېږيدلى او له اوږدې مودې راهیسې په کابل کې اوسېده، استاد ګل زمان له ۱۳۴۳ کال راهیسې کمپوزونه او سندرې جوړولې او ملي راديو تلویزون ته يې شاوخوا ۸۰۰ سندرې جوړې کړې دي.

د پخواني حکومت د اطلاعاتو او فرهنګ وزارت مرستیال هارون حکیمي پر خپله ټوېټرپاڼه د استاد ګل زمان مړینه تایید کړې ده.

ده لیکلي: «استاد ګلزمان د فولکلوري، سیمه ییزو، حماسي او مناسبتي سندرو مخکښ افغان هنر مند و. روح یې ښاد او نوم یې په درنښت یاد!.»

login or register a new account.