کابل (پژواک، د وري لومړۍ نېټه ۱۴۰۱): د راپورونو له مخې، د چین په سوېل کې ۷۳۷ بوینګ الوتکه چې ۱۳۳ مسافر یې لېږدول، لوېدلې ده.
د چین رسنیو خبر ورکړی چې دا الوتکه د چین د ختیځ هوايي شرکت اړوند وه او نن دوشنبه د دغه هیواد د ګوانګشي ایالت په یوه غرنۍ سیمه کې لوېدلې ده.
د چین دولتي رسنۍ (CCTV) د چینايي چارواکو له قوله ویلي چې د پېښې ځای ته ژغورونکي ډلې رسېدلې، خو سمدستي په دې پېښه کې د مرګ ژوبلې راپور نه دی ورکړل شوی، خو ښایي په کې سپاره ټول مسافر مړه شوي وي.
تر دې مهاله د دې ۸۰۰-۷۳۷ بوینګ الوتکې د لوېدو د لامل په اړه معلومات نه دي ورکړل شوي.
GET IN TOUCH
NEWSLETTER
SUGGEST A STORY
PAJHWOK MOBILE APP