میدان ښار (پژواک، ۲۴ وری ۱۴۰۱): د میدان وردګو ولایت مسوولین وايي چې په دغه ولایت کې د کوچيانو او هزاره قومونو ترمنځ د اوږدې خپلمنځي شخړې د حل په موخه شورا جوړه شوه.
د دغه ولایت مطبوعاتي دفتر پژواک خبري اژانس ته په رالېږلې خبرپاڼه کې ويل شوي چې ياده شل کسیزه شورا د والي محمد امین عمري په لارښوونه تېره ورځ جوړه شوې چې مشري به يې سید هاشم جوادي بلخابي کوي.
سرچينې ويلي چې دغه شورا به د ياد ولایت په بهسودو ولسوالۍ کې وي او د دواړو قومونو ترمنځ د شته ستونزو د هر اړخیز حل لپاره کار کوي.
د يادونې ده، د ميدان وردګو په بهسودو ولسوالۍ کې له نږدې دوو لسیزو راهيسې څو ځلې وسله والې نښتې شوې چې مرګ ژوبله يې هم درلوده.
GET IN TOUCH
NEWSLETTER
SUGGEST A STORY
PAJHWOK MOBILE APP