ځینو ولایتونو کې د جنایي جرمونو په تور ۲۲ کسان نیول شوي

کابل (پژواک، ۲۱ غويی ۱۴۰۱): په نيمروز، اروزګان، کابل، هرات او سمنګان ولایتونو کې د وژنو، غلاوو او پیسو د جعل په تور ۲۲ کسان نیول شوي دي.

د کورنيو چارو وزارت په خبرپاڼه کې راغلي چې پولیسو یاد کسان په تېرو ۲۴ ساعتونو کې نیولي دي.

سرچینه د جزئیاتو له ورکولو پرته زیاتوي چې اته کسان په نيمروز، پنځه، پنځه په کابل او اروزګان او يو کس په هرات کې د جنایي جرمونو، په ځانګړې ډول غلا او وژنو په تور نيول شوي دي.

دغه راز، د کورنيو چارو وزارت وايي، پولیسو د سمنګانو په مرکز ایبک کې درې کسان د پيسو د جعل او تزویر په تور هم نیولي دي.

سرچينه زياتوي چې له یادو درېیو کسانو سره ۵۰۰ امريکايي ډالر او شل زره جعلي افغانۍ هم نيول شوي دي.