د زامنو ترمنځ شخړه کې مور ووژل شوه

کابل (پژواک، ۱۳ غبرګولی ۱۴۰۱) : په هلمند ولایت کې ددوو وروڼو ترمنځ د شخړې پر مهال په ډزو کې یې مور وژل شوې ده.

باختر اژانس د هلمند د ځایي چارواکو په حواله خبر ورکړی چې، دا پيښه د هلمند په مارجې ولسوالۍ کې رامنځته شوې ده.

سرچینې زیاته کړې چې په مارجې ولسوالۍ کې د اوبو د لښتي پر سر د دوو وروڼو ترمنځ شخړه رامنځته شوې وه ، خو مور یې ترمنځ د شخړې د هواري هڅه کوله.

په راپور کې راغلي، پر دې مهال یو ورور پر بل ورور ډزې کړې چې له امله یې مور وژل شوې ده.