اتلانتا (پژواک، ۶ چنګاښ ۱۴۰۱): په چک جمهوریت کې د افغانستان لوی سفیر شهزادګل اریوبي د اسیایي سفیرانو ګروپ مشر ټاکل شوی دی.
د چک په پلازمېنه پراګ کې د افغانستان لوی سفارت له خوا د چنګاښ په ۶مه په یوه خپره شوې خبرپاڼه کې راغلي چې په پراګ کې د اسیايي سفیرانو ګروپ مشري چې له دې مخکې په پراګ کې د فیلپين سفیر «اومبرا ټي جاینل» کوله، تېره اوونۍ د جون په ۲۱مه د یوې غونډې په ترڅ کې په پراګ کې د افغانستان لوی سفیر شهزادګل اریوبي ته وسپارل شوه.
سرچینې زیاته کړې، اریوبي په دې مناسبت جوړه شوې غونډه کې د وینا پر مهال د ګروپ د اړیکو پر اغېزناکوالي او د اسیايي هېوادونو د ګډو ګټو او اقتصادي فرصتونو پر ملاتړ ټينګار وکړ او غونډې ته یې د افغانستان د اوسني بشري او اقتصادي وضعیت په اړه معلومات ورکړل.
هغه له اړوندو هېوادونو وغوښتل چې د افغانستان اقتصادي شرایطو، د نجونو او ښځو د کار او زدهکړو حق او د کډوالو وضعیت ته ځانګړې پاملرنه وکړي.
Views: 1039
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن