محمودراقي (پژواک، ۲۰ چنګاښ ۱۴۰۱): یو ۱۸ کلن ځوان د کاپیسا ولایت په صیاد سیند کې د لامبو پر مهال ډوب شوی او ژوند یې له لاسه ورکړی دی.
د یاد ولایت د امنیه قوماندانۍ ویاند عبدالفتاح فایز پژواک خبري اژانس ته وویل چې دغه پېښه تېره ورځ رامنځته شوې او یاد کس د کابل د پلچرخي سيمې اوسېدونکی و.
ده وویل: «د صفيالله په نوم د کابل ښار د پلچرخي سيمې د قلعه جبار کلي یو اوسېدونکی د صیادو ملي پارک ته د تفریح لپاره راغلی و، هلته د لمبلو په وخت کې غرق شوی او وروسته یې ژوند له لاسه ورکړی دی.»
د هغه په وینا، یاد کس سره یې دوه نور ملګري هم په اوبو کې ډوب شوي وو، خو د سيمې خلکو هغه دوه نور کسان ژغورلي دي.
GET IN TOUCH
NEWSLETTER
SUGGEST A STORY
PAJHWOK MOBILE APP