له ایرانه څه باندې څلور زره افغان کډوال بېرته هېواد ته راستانه شول

کابل (پژواک، ۱۱ زمری ۱۴۰۱): د کډوالو او بېرته راستنېدونکو چارو وزارت وايي، په وروستیو څو ورځو کې له ایرانه ۴۰۱۰ کسان هېواد ته راستانه شوي چې له ډلې یې ۱۹۸۳ کسان په جبري توګه له یاد هېواده ویستل شوي دي.

دغه کسان د روان کال د زمري له ۶ تر ۹ مې پورې هېواد ته راستانه شوي دي.

د کډوالو چارو وزارت وايي، تېره ورځ ۱۲۶۷ افغان کډوال د هرات د اسلام کلا پولې له لارې له ایرانه هېواد ته راستانه شوي دي.

سرچینه لیکي، د یادو کسانو له ډلې، ۱۹ کورنۍ چې ۳۶۶ کسان کېږي، په جبري توګه او ۵۶ نورې کورنۍ چې ۹۰۱ کسان کېږي، په داوطلبانه ډول هېواد ته را ستنې شوې دي.

login or register a new account.