امریکا: له تېر یو کال راهیسې مو له افغانستان سره ۸۰۰ میلیونه ډالره مرسته کړې

اټلانټا (پژواک، ۱۳ زمری ۱۴۰۱) : د افغانستان د بیارغونې لپاره د امریکا د څار ځانګړې اداره (سیګار) وایي، له تېر یوه کال راهیسې یې هېواد له افغانستان سره د شاوخوا د ۸۰۰ میلیونه ډالرو مرسته کړې ده.

د امریکا (سټارز اینډ سټرپس) ورځپاڼې خبر ورکړی چې د سیګار مشر جان سپکو دغه څرګندونې په یوه تازه مرکه کې کړې دي.

هغه زیاته کړې، که څه هم تېر کال له افغانستان څخه ټول امریکایي ځواکونه وتلي، خو بیا هم دوی له افغانستان سره په بېلابېلو بشري برخو کې شاوخوا ۸۰۰ میلیونه ډالره مرسته کړې ده.

د سیګار مشر ویلي، اوس هم امریکا په افغانستان کې خپلې ګټې لري او بله دا چې اوس هم افغانان مرستو ته اړتیا لري.

login or register a new account.