پلعلم (پژواک، ۲۲ زمری ۱۴۰۱): د لوګر امنیه قومانداني وایي، د دغه ولایت په برهکيبرک ولسوالۍ کې د یوې سرګلولې چاودنې له امله څلور ماشومان ټپیان شوي دي.
پېښه تېره ورځ مازدیګر ناوخته د دې ولسوالۍ په نواباد کلي کې شوې ده.
د امنیې قوماندانۍ ویاند احمدالله انس پژواک خبري اژانس ته وویل، چاودنه هغه مهال شوې چې ماشومانو پر موندل شوې سرګلولې لوبې کولې.
هغه زیاته کړه، په دې پېښه کې څلور ماشومان ټپيان شوي چې د یوه ماشوم روغتیايي حالت د اندېښنې وړ ښودل شوی دی.
دا لومړی ځل نه دی چې په دغه ولایت کې د سرګلولې چاودنه څلور ماشومان ټپي کوي، بلکې د روانې میاشتې په پيل کې هم د برهکيبرک ولسوالۍ د بابړیانو کلي کې د یوې سرګلولې چاودنې ۲ ماشومان ټپيان کړي وو.
Views: 72
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن