اسعداباد (پژواک ۲۹ زمری ۱۴۰۱) : د کونړ ولایت په خاص کونړ ولسوالۍ کې د اورښتنو له امله د یوه د کور چت پرېوتو پیښه کې د یوې مېرمنې په ګډن دوه تنه وژل شوي او دوه نور ژوبل شوي دي.
د خاص کونړ ولسوال مولوي فضل الرحمن پژواک اژانس ته وویل چې پېښه نن مازیګر څلور بجې د ملک میرویس په کور کې رامنځته شوې ده.
هغه وایې، د چت پرېوتو پېښه کې میرویس پخپل ژوبل شوی، خو مېرمن او یو لمسی یې مړه او دوه نور ژوبل شوي دي.
ولسوال وايي، ټپیان د لا ښې درملنې لپاره د ننګرهار ته استول شوي دي.
د مبارز په خبره د پېښې ځای ته یې د مرستې په موخه حکومتي کسان هم استولي دي.
په ورته وخت د خاص کونړ د خېبر خوړ سیمي اوسیدونکی او د پیښې عیني شاهد وایي چې د چت پریوتو پېښه کې یوه او یو ماشوم وژل شوي او دوه کسه نور ټپیان دي چې د ژوبلیدلو هغو روغتیایي حالات نازک ښودل شوی.
نوموړی وایي، پېښه وروسته له هغې رامنځته شوه چې ملک میروس د خپلې میرمن او دوه لمسیانو سره په کور کې د جوړ شوي چوپال لاندې ناست وو چې چت پرې پرېوتو.
له تېرو څو ورځو پرلپسې ورښتونو له امله د کونړ په ګن شمېر سیمو کې سیلابونه راوتلي او د ځاني زیان ترڅنګ یې خلکو ته ګڼ مالي زیانونه اړولي دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن