میدانښار (پژواک، ۶ وږی ۱۴۰۱): د میدان وردګو ولایت مطبوعاتي دفتر وايي، پرون په کابل کې د ۷ ولایتونو د تکواندو ټيمونو ترمنځ سیالۍ پای ته ورسېدې او د دغه ولایت ټيم دویم مقام خپل کړ.
د یاد ولایت مطبوعاتي دفتر پژواک خبري اژانس ته په رالېږلې خبرپاڼه کې ويلي چې دغه دوه ورځنۍ سیالۍ د تکواندو ملي فدراسیون له خوا د هېواد د خپلواکۍ اخیستلو د ۱۰۳مې کلیزې په مناسبت ترسره شوې.
سرچینې ويلي، په یادو سیالیو کې د کابل، میدان وردګ، بغلان، کندوز، بدخشان، غزني او ننګرهار لوبغاړو ګډون کړی و.
په خبرپاڼه کې ويل شوي، د کابل ټيم وتوانېد چې په یادو سیالیو کې لومړی مقام خپل کړي.
Views: 32
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن