ملا برادر: د ټاپي پروژې چارې به ژر پیل شي

کابل (پژواک، ۱۱ وږی ۱۴۰۱): ملا عبدالغني برادر وايي، د هرات په پل هاشمي سیمه کې د صنعتي ښارګوټي جوړول، د هرات صنعتي پارک کې د پنځم فاز چارې پیلول، د پاشدان او د شینډنډ د کادانکې بندونو جوړول هم په جدي ډول په پام کې نیول شوي دي.

د ریاست‌الوزراء اقتصادي معاونیت نن په خپل ټويټر کې ليکلي چې د ریاست‌الوزراء اقتصادي مرستیال ملا عبدالغني برادر په هرات کې په اقتصادي ناسته کې د ګډون په موخه دغه ولایت تللی دی.

سرچينه زياتوي، په یاده ناسته کې د هېواد علماوو، مخورو، سوداګرو او صنعکارانو ګډون درلود.

ملا برادر په ياده ناسته کې وویل چې د سيمنټو د پروژې خوا ته به په پل هاشمي سیمه کې صنعتي ښارګوټی جوړ او د هرات صنعتي پارک کې به د پنځم فاز چارې پيل شي.

login or register a new account.