کابل (پژواک، ۲۱ وږی ۱۴۰۱): مرکزي بانک وايي، د نړۍوالو بشري مرستو د لړۍ د یوې برخې په توګه د ۴۰ میلیون امریکايي ډالرو بله نغدي بسته کابل ته راورسېده.
د افغانستان بانک نن (دوشنبه، د وږي ۲۱مه) په خپل ټویټر کې لیکلي چې د مرستندویه هېوادونو د مرستو په دوام کې، د ۴۰ میلیون امریکايي ډالرو یوه بله نغدي بسته کابل ته راورسېده او یوه سوداګریز بانک ته سپارل شوې ده.
دغه بانک د نړۍوالې ټولنې له مرستو د مننې ترڅنګ له هغوی غواړي چې له افغانستان سره په نورو برخو کې تعامل او همکاري ولري او په دې برخه کې د افغانستان له خلکو سره مرسته وکړي.
په تېرو ۱۲ مياشتو کې له افغانستان سره د دغه ډول مرستو کچه سلګونه میليون ډالرو ته رسېدلې ده.
login or register a new account.
