لښکرګاه (پژواک، ۲۲ وږی ۱۴۰۱): د هلمند د اطلاعاتو او فرهنګ ریاست وايي، تېره شپه د دغه ولایت په ګرمسېر ولسوالۍ کې درې کسان چې پاکستان ته یې په قاچاقي ډول اوسپنه وړله، نیول شوي دي.
د دغه ولایت د اطلاعاتو او فرهنګ ریاست مرستیال مولوي محمدقاسم ریاض پژواک خبري اژانس ته وویل چې دغه کسان تېره شپه د ګرمسېر ولسوالۍ اړوند په کوشته سیمه کې نیول شوي دي.
ده وویل، له یادو کسانو سره په یوه موټر کې بار اوسپنه ترلاسه شوې چې غوښتل یې په قاچاقي ډول پاکستان ته ولېږدوي.
ریاض زیاته کړه چې دغه کسان عدلي او قضايي ارګانونو ته ور پېژندل شوي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن