کندهار کې د شېخ زاید روزنتون درېدلې تدریسي چارې بېرته پیل شوې

کندهار (پژواک، ۲۶ وږی ۱۴۰۱): په کندهار کې د شېخ زاید روزنتون تدریسي چارې له لس ورځې ځنډ وروسته نن د وږي په ۲۶مه، بېرته پيل شوې.

دغه روزنتون - چې نږدې ۱۱۰۰ یتیمان زده‌کړې په کې کوي - د بودجې خلاصېدو له امله تړل شوی و.

د روزنتون مسوولینو څو ورځې مخکې پژواک خبري اژانس ته ویلي وو چې د اوسني سرپرست حکومت له راتلو وروسته دغه روزنتون ته بودجه نه ده ورکړل شوې، ځکه د بانکي محدودیتونو له امله شېخ زاید خیریه ټولنه دوی ته پیسې نه شي لېږلای.

خو اړوندو مسوولینو نن د دې ستونزې د حل خبر ورکړ.

login or register a new account.