افغانستان لپاره د خوړو نړۍوال سازمان مشر نورستان ته سفر وکړ

پارون (پژواک، ۲۶ وږی ۱۴۰۱): د افغانستان لپاره د خوړو نړۍوال سازمان (ډبلیو‌ایف‌‌پي) مشر نن نورستان ته سفر وکړ او د دغه ولایت له والي سره یې د خلکو پر ستونزو او اړتیاوو خبرې وکړې.

د دغه سازمان مشر جوناسټ له والي حافظ محمد اغا حکیم سره په لیدنه کې وویل، دغه ولایت ته یې د سفر موخه د خلکو ستونزې معلومول او د هغوی له اړتیاوو سره سمې مرستې کول دي.

په پيل کې د نورستان والي د خلکو د ژوندانه د وضعیت او ستونزو په اړه معلومات وړاندې کړل او ویې ویل، په دغه ولایت کې د سړکونو او ښوونځیو لپاره د ودانیو نشتوالی دوې لویې ستونزې دي.

هغه په دغه ولایت کې وروستیو طبیعي پېښو ته په اشارې وویل چې وروستیو سېلابونو په بېلابېلو ولسوالیو کې لارې او کرنیزې ځمکې ویجاړې کړې چې له امله یې د خلکو ژوند اغېزمن شوی دی.

login or register a new account.