کابل (پژواک، ۲۷ تله ۱۴۰۱): د افغانستان د لوړو زدهکړو وزارت وایي، ریاستالوزرا په بهر کې پر زدهکړو د بوختو افغان استادانو تنخواګانو د اجراء پرېکړه تاييد کړه.
د ریاستالوزراء اداري معاونيت د تشکیلاتو او معاشاتو کمېسیون د تېرې وږي مياشتې په ۱۷مه د یوه مکتوب په صادرولو سره د هغو استادانو او دولتي کارمندانو تنخواګانې بندې کړې چې له هېواده بهر زدهکړې کوي.
له دې پرېکړې وروسته په بهر کې په زدهکړو بوختو یو شمېر استادانو هم اندېښنه ښودلې وه او له حکومته یې غوښتي وو چې پر دې پرېکړه بیا کتنه وکړي.
خو تېره شپه د لوړو زدهکړو وزارت علمي مرستیال لطفالله خیرخواه پر خپله ټوېټرپاڼه لیکلي چې په بهر کې په زدهکړو بوختو استادانو د معاشاتو د اجراء پرېکړه ریيسالوزراء تایید کړه.
ده لیکلي: «د ماليې له محترم وزير صاحبه بيا هم په ځانګړي ډول مننه کوو چې موضوع يې ښه درک کړه او ښه ملاتړ يې وکړ.»
Views: 82
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن