د هوا پېژندنې اداره: په څو ولایتونو کې د سختو ورښتونو او سېلابونو راوتلو اټکل شوی

کابل (پژواک ۱۰ لړم ۱۴۰۱): د هوا پېژندنې ادارې په څو ولایتونو کې د سختو ورښتونو او سېلابونو راوتلو اټکل کړی دی.

د هوا پېژندنې ریاست په یوې خبرپاڼه کې په ځینو ولایتونو کې د شدید ورښت او واورې، سېلابونو او د لنډ مهاله چټکو بادونو د پېښېدو اټکل کړی دی.

دغه ریاست وايي، په بدخشان، تخار، بغلان، پنجشېر ولایتونو او سالنګونو کې د سېلابونو د راتلو امکان شته چې د ورښت کچه یې په بېلابېلو برخو کې له لسو تر پنځوسو ملي مټرو پورې اټکل کېږي.