کابل (پژواک، ۱۵ لړم ۱۴۰۱): د اسلامي امارت مرستیال ویاند بلال کریمي وایي، د پخواني ولسمشر حامد کرزي ورور محمود کرزی د حقوقي قضیې له امله ممنوعالخروج شوی دی.
محمود کرزي د پخواني حکومت په وروستیو کې د ښارجوړونې وزیر په توګه دنده ترسره کوله.
نن ځینو کسانو په ټولنیزو شبکو کې لیکلي وو چې محمود کرزي غوښتل له کابل هوایي ډګره دوبۍ ته ولاړ شي، خو د امنیتي ځواکونو له لوري نیول شوی دی.
خو د اسلامي امارت مرستیال ویاند بلال کریمي پژواک خبري اژانس ته د جزییاتو له ورکولو پرته وویل چې محمود کرزی د یوې حقوقي قضیې له امله ممنوعالخروج شوی او دا قضیه سیاسي اړخ نه لري.
هغه د نوموړي د حقوقي قضیې په اړه څه ونه ویل خو د راپورونو له مخې، محمود کرزي په کندهار کې د عینو مینې ښارګوټي او د کابل د قضیو په اړه دوسیې لرلې، خو نوموړي دا تورونه رد کړي وو.
GET IN TOUCH
NEWSLETTER
SUGGEST A STORY
PAJHWOK MOBILE APP