کابل (پژواک، ۲۲ لړم ۱۴۰۱): د استخباراتو رياست وايي، د کابل ښار د ١٥مې امنيتي حوزې اړوند پنجصدفاميلو سيمه کې د عملياتو پر مهال پنځه داعشیان وژل شوي دي.
د استخباراتو لوی رياست پر خپله ټوېټرپاڼه ليکلي چې دغه عمليات تېره شپه د ياد ریاست د ځانګړو ځواکونو له لوري ترسره شوي دي.
سرچينه زياتوي: «یاد کسان د یوې مهمې شبکې غړي وو چې په کابل ښار کې یې په کوچنیو چاودنو کې لاس درلود او غوښتل يې ځینې لویې تخریبي کړنې ترسره کړي چې مخکې له مخکې کشف او له منځه یووړل شول.»
د سرچينې د معلوماتو له مخې، له یاد پټنځایه یو شمېر وسلې، لاسي بمونه، ریموټونه او چاودېدونکي توکي هم ترلاسه شوي دي.
Views: 314
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن