د افغانستان بانک سبا ۱۳ میلیون ډالر لیلاموي

کابل (پژواک، ۲۳ لړم ۱۴۰۱): د افغانستان بانک وایي، سبا (د لړم ۲۴مه) ۱۳ میلیون ډالر د داوطلبۍ له لارې پلوري.

د افغانستان بانک د یوې خبرپاڼې په خپرولو سره له سوداګریزو بانکونو، صرافانو او پولي خدمتونو اړوند پر شرایطو برابرو شرکتونو څخه غوښتي چې د یاد رقم ډالرو د پلور په داوطلبۍ کې ګډون وکړي.

د سرچینې د څرګندونو پر اساس، د لیلام ګټونکي اړ دي چې خپل حسابونه د لیلام ورځې تر پایه تصفیه کړي.

د افغانستان بانک د معلوماتو له مخې، د اسعارو د لیلام په داوطلبۍ کې د معاملاتو قسمي تسویې ته اجازه نه ورکول کېږي او د لیلام ګټونکي به د خپل ذمت اندازه پيسې په یو ځل او نغدي ډول په ټاکلې موده کې د افغانستان بانک ته سپاري.