کابل (پژواک، ۲۷ لړم ۱۴۰۱): د افغانستان لپاره د ملګرو ملتونو د ځانګړي استازي مرستیال مارکس پوتزل وايي، سولهییز او باثبات افغانستان داسې ټولشموله سیاسي بهیرونو ته اړتیا لري چې د ټولو افغانانو حقونو ته درناوی ولري.
يوناما په خپل ټويټر کې کښلي چې د افغانستان لپاره د ملګرو ملتونو مرستیال ځانګړي استازي مارکس پوتزل پرون د فاریاب په مرکز میمنه کې د دغه ولایت د مدني ټولنې له استازو، ولایتي چارواکو او یو شمېر نورو کسانو سره وکتل.
سرچينې د ملګرو ملتونو د استازي په حواله ويلي چې سولهییز او باثبات افغانستان داسې ټولشموله سیاسي بهیرونو ته اړتیا لري چې د ټولو افغانانو، په ځانګړې توګه د ښځو او لږکیو حقونو ته درناوی ولري.
GET IN TOUCH
NEWSLETTER
SUGGEST A STORY
PAJHWOK MOBILE APP