مجاهد: نادولتي موسسو کې د ښځو کار ځنډولو پرېکړه د کاري چاپېریال نه خونديتوب له امله شوې ده

کابل (پژواک، ۱۰ مرغومی ۱۴۰۱): د اسلامي امارت ویاند وایي چې ښځې په نادولتي موسسو کې د کاري چاپېریال نه خونديتوب او پر هغو د حکومت نه کنټرول له امله له کاره منع شوې دي.

ذبیح‌الله مجاهد دغه څرګندونې له «بي‌بي‌سي» سره په خپلې یوې تازه مرکه کې کړې دي.

هغه زیاته کړه، د دوی ارزونې ښيي چې په موسسو کې د ښځينه کارکوونکو عفت او عزت خوندي نه و نو ځکه «اسلامي امارت» پرېکړه وکړه چې هغوی له کاره منع کړي.

نوموړي د دې خبرې چې ځینې ښځې د خپلو کورنیو سرپرستانې دي او له دې لارې خپلو اولادونو ته نفقه پيدا کوي، په ځواب کې وویل، دا پرېکړه د «اسلامي شریعت» د تطبیق لپاره کلي حکم دی؛ طبیعي ده چې له دغه حکم سره به ځیني کسان زیانمنېږي، هغوی باید پر بدیلو لارو فکر وکړي.

login or register a new account.