پکتیا کې د «هوا» په نوم نوې خصوصي راډیو خپرونې پیل کړې

ګردېز (پژواک، ١ سلواغه ١۴٠١): د پکتيا په مرکز ګردېز کې د «هوا» په نوم یوې نوې خصوصي راډيو خپرونې پیل کړې.

د يادې راډيو مسوول مبين ميرزا پژواک خبري اژانس ته وويل: «په دې وروستيو کې ګڼ شمېر راډيوګانې د اقتصادي ستونزو له امله وتړل شوې، خو زمونږ هدف دا دی چې خلک له راډيويي خپرونو څخه برخمن شي او د رسنيو په برخه کې خلکو ته خدمات وړاندې کړو.»

نوموړی وايي، د هوا راډيو ۱۸ ساعته خبري، سياسي، ادبي، علمي او ټولنيزې خپرونې لري چې د پکتيا په ډېری ولسواليو کې اورېدل کېږي.

د هغه په خبره، د یادې راډيو مالي لګښت له سوداګریزو اعلانونو او شخصي پانګې څخه برابرېږي.

login or register a new account.