د صنعت او سوداګرۍ وزارت: له سړې هوا د نورو تلفاتو مخنیوي لپاره دې خصوصي سکټور مرسته وکړي

کابل (پژواک، ۸ سلواغه ۱۴۰۱): د صنعت او سوداګرۍ وزارت وايي، په هېواد کې د سړې هوا له امله زرګونه خلک د امکاناتو له کمښت سره مخ دي او خصوصي سکټور دې په دې برخه کې مرستې وکړي.

د یاد وزارت له خوا نن په خپره شوې خبرپاڼه کې راغلي: «دا چې د سړې هوا له امله ځینو افغانانو ژوند له لاسه ورکړی او هره ورځ په دې شمېر کې زیاتوالی راځي، نو د اندېښنې وړ خبره دا ده چې د یخ څپه ورځ تر بلې پیاوړې کېږي او په اغېزمنو ولایتونو کې زرګونه هېوادوال د امکاناتو له کمښت سره مخ دي.»