کابل (پژواک، ۱۶ سلواغه ۱۴۰۱): د راپورونو له مخې، د پاکستان د بلوچستان ایالت په مرکز کویټه ښار کې، د یوې چاودنې له امله پنځه کسان ټپیان شوي دي.
د پاکستان ډان ورځپاڼې نن (یکشنبه) په یوه راپور کې لیکلي، دغه چاودنه د یاد ښار په ګلستان واټ کې د امنیتي ځواکونو د تلاشۍ په یوه مرکز کې رامنځته شوې ده.
په راپور کې راغلي چې په یاده ساحه کې د ژغورنې عملیات پیل شوي او ټپیان په کویټه ښار کې یوه روغتون ته لېږدول کېږي.
همداراز په راپور کې د «تحریک طالبان پاکستان» له قوله لیکل شوي چې د دغې پېښې مسوولیت دغه تحریک پر غاړه اخیستی او زیاته کړې یې ده، د دغې چاودنې موخه د پاکستان امنیتي ځواکونه وو.
دغه چاودنه وروسته له هغې رامنځته کېږي چې د تېرې دوشنبې پر ورځ د پاکستان په پيښور ښار کې یوې چاودنې له امله له ۱۰۰ ډېر کسانو ته مرګژوبله واوښته.
Views: 51
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن