کابل (پژواک، ۱۹ سلواغه ۱۴۰۱): د افغانستان د فوټبال فدراسیون وایي، په کابل کې له ۱۴ کلنو کم عمره فوټبال ملي لوبډلې ته د غوره لوبغاړو موندلو په موخه د فوټبال سیالۍ پيل شوې.
د فوټبال فدارسیون په خپله فیسبوکپاڼه کې لیکلي، د کابل د تنکیو ځوانانو د ۸ غوره لوبډلو ترمنځ د فوټبال سیالۍ پیل شوې.
سرچینه زیاتوي، د دغو سیالیو موخه له ۱۴ کلونو کم عمره فوټبال ملي لوبډلې ته د غوره لوبغاړو انتخابول دي.
سرچینې ویلي، د افغانستان فوټبال فدراسيون به په نږدې راتلونکي کې د ورته موخې لپاره دا ډول سيالۍ د هېواد په نورو ولايتونو کې هم پیل کړي.
د افغانستان د فوټبال فدارسیون دا نه دي ویلي چې یادې سیالۍ به څو ورځې دوام وکړي.
د یادونې ده، د سلواغې په ۲۶مه نېټه به په کابل کې د فوټسال دویم پړاو لیګ سیالۍ هم پیل شي چې ۱۰ لوبډلې به په کې برخه واخلي.
