کابل (پژواک، د کب لومړۍ نېټه ۱۴۰۱): د هېواد مالیې وزارت وایي چې د افغانستان ګمرکونو په تاریخ کې یې په لومړي ځل د مالي کال په لومړیو ۱۱ میاشتو کې ۱۰۰ میلیارد افغانۍ له ګمرکونو راټولې کړې دي.
دغه وزارت د یوې خبرپاڼې په خپرولو سره ویلي، سربېره پر دې چې د لومړنیو خوراکي توکو ګمرکي تعرفه د سرپرست حکومت له لوري ۶۸ سلنه ټیټه شوې، بیا هم د مالي کال له پای ته رسېدو مخکې په یاده اندازه عواید راټول شوي دي.
د دغه وزارت په خبره، له دې مخکې د هېواد ګمرکونو کلني عواید له ۷۲ میلیارد افغانیو لوړ شوي نه دي.
سرچینې زیاته کړې: «د ګمرکونو عوایدو بېساري لوړېدل دا ښیي چې په ګمرکونو کې ژمن او مسلکي کسان ګومارل شوي، د فساد کچه صفر ته رسېدلې او په ګمرکي چارو کې پوره شفافیت رامنځته شوی دی.»
د مالیې وزارت څرګنده کړې ده، ټول هغه خنډونه چې د سوداګرۍ پر وړاندې پراته دي او یا یې د فساد زمینه برابره کړې، له منځه تللي دي.
Views: 30
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن