لغمان کې د تندر لوېدو پېښه کې د یوې کورنۍ شپږ کسان ټپیان شوي

مهترلام (پژواک، د کب لومړۍ نېټه ۱۴۰۱): د لغمان په الینګار ولسوالۍ کې نن پر یوه کور د تندر لوېدو له امله شپږ کسان ټپيان شوي دي.

د دغه ولایت پېښو ته د رسېدو رییس قاري خیرمحمد غازي پژواک خبري اژانس ته وویل، پېښه نن سهار شاوخوا اووه بجې د الینګار په نورلام درې په مچ کلا کې شوې ده.

ده زیاته کړه، د یادې کورنۍ شپږ غړي ټپيان شوي چې درې ښځې هم په کې شاملې دي.

بلخوا د دغه ولایت روغتيايي سرچینې د ټپيانو روغتيايي وضعیت د اندېښنې وړ ګڼي.

login or register a new account.