کابل (پژواک، ۲۰ کب ۱۴۰۱): د کانونو او پټرولیم وزارت له یوه خصوصي شرکت سره د کندهار د شوراندام د سمنټو تولید پروژې د تړون لاسلیکېدو خبر ورکوي.
د کانونو او پټرولیم وزارت نن په خپله ټوېټرپاڼه کې لیکلي: «د کندهار د شوراندام د سمنټو تولید پروژې قرارداد نن (شنبه، د کب ۲۰مه) د کانونو او پټرولیم وزارت سرپرست شیخالحدیث شهابالدین دلاور له خوا د احمد نبيزاده شرکت له رییس سره لاسلیک شو.»
سرچینې لیکلي چې د کندهار د شوراندام د سمنټو تولید پروژه د شاوخوا ۱۰۰ میلیون امریکایي ډالرو په پانګونې د اکتشاف، ګټهاخیستنې او پروسس په پړاو کې ده.
د سرچینې د معلوماتو له مخې، د یادې پروژې کلني تولیدات به شاوخوا یو میلیون ټن سیمنټ وي او پکې ۵۰۰۰ کسانو ته په مستقیم او غیرمستقیم ډول د کار زمینه برابرېږي.
Views: 120
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن