کابل (پژواک، ۲۷ کب ۱۴۰۱): د افغانستان، بنګلهدېش او سریلانکا د کرکټ له ۱۹کلنو کمعمره ملي لوبډلو ترمنځ نن درې اړخيزه پنځوس اوریزه لوبلړۍ پیلېږي چې لومړۍ لوبه د افغانستان او بنګلهدېش ترمنځ ده.
دغه لوبې په متحده عربي اماراتو کې کېږي.
د افغانستان کرکټ بورډ په خپله فېسبوکپاڼه کې لیکلي، افغان لوبډله به په درې اړخیزه لوبلړۍ کې خپله لومړۍ لوبه له بنګلهدېش سره وکړي.
سرچینې لیکلي، دغه لوبه نن د افغانستان پر وخت د سهار نهه بجې پیلېږي.
د کرکټ بورډ معلوماتو له مخې، په یاده لوبلړۍ کې به د افغانستان او بنګلهدېش ترڅنګ د سریلانکا له ۱۹ کلنو کمعمره ملي لوبډله هم برخه ولري چې د یو بل پر وړاندې به دوه ـ دوه سیالۍ وکړي.
له دې مخکې د افغانستان او بنګلهدېش لوبډلو ترمنځ دوه یو ورځنۍ لوبې وشوې چې یوه یې افغانستان او یوه بنګلهدېش وګټلې.
