خیبر پښتونوا کې چاودنه؛ د یوه افسر په ګډون څلور پولیس وژل شوي او شپږ نور ټپیان دي

[restrict paid="true"]

اټلانټا (پژواک، ۱۰ وری ۱۴۰۲): د خیبر پښتونخوا په لکي مروت سیمه کې د یوې چاودنې له امله د یوه افسر په ګډون څلور پولیس وژل شوي او شپږ نور ټپیان دي.

د خیبر پښتونخوا د پولیسو قوماندانۍ له خوا په خپره شوې یوه خبرپاڼه کې راغلي چې پولیسو ته د ترهګریزو فعالیتونو په اړه خبر ورکړل شوی و.

سرچینې زیاته کړې، کله چې په سیمه کې د پولیسو د مشر اقبال په ګډون یو شمېر پولیس ساحې ته روان شول نو په لاره کې پرې چاودنه وشوه.

په خبرپاڼه کې راغلي چې په چاودنه کې اقبال مومند او درې نورپولیس ووژل شول او شپږ نور  ټپیان شوي دي.

بلخوا د عوامي نیشنل ګوند غړي ایمل ولي خان، د پښتون ژغورنې غورځنګ مشر  منظور پښتین او یو شمېر نورو مشرانو دا چاودنه غندلې ده.

[/restrict]