تېر کال لغمان کې د طبیعي پېښو له امله ۶۰ زره جریب کرنیزه ځمکه تخریب شوې

مهترلام (پژواک، ۱۴ وری ۱۴۰۲): د لغمان مسوولین وايي، تېر کال په دغه ولایت کې د طبيعي پېښو له امله ۶۰ زره جریب کرنیزه ځمکه تخریب شوې او خلکو ته درانه مالي او ځاني زیانونه اوښتي دي.

د یاد ولایت طبيعي پېښو ته د رسېدنې رییس قاري خیرمحمد غازي پژواک خبري اژانس ته وویل، تېر ۱۴۰۱ لمریز کال د نورو کلونو په پرتله طبيعي پېښې ډېرې وې او خلکو ته يې درانه مالي او ځاني زیانونه اړولي دي.

هغه زیاته کړه، د ولایت په کچه تېر کال د طبیعي پېښو له امله ۶۰ زره جریب کرنیزه ځمکه تخریب شوې، ۸۹۰۰ کورونه په نیمه او ۲۶۰ نور په بشپړ ډول ویجاړ شوي دي.

نوموړي همداراز وویل، د تېر کال طبعي پېښو له امله ۲۱ کسان مړه شوي او ۶۴ نور ټپيان وو چې حکومت د هر مړه شوي کس کورنۍ ته ۱۰۰زره افغانۍ او هر ټپي ته ۵۰ زره افغانۍ ورکړې دي.

login or register a new account.