کابل (پژواک، ۳۰ وری ۱۴۰۲): د افغانستان کرکټ بورډ وایي چې د روانې اپرېل میاشتې په وروستیو کې د زرغون افغانستان کرکټ یو ورځنۍ سیالۍ پیلوي.
کرکټ بورډ پر خپله فېسبوک پاڼه لیکلي، زرغون افغانستان دویم پړاو یو ورځنۍ سیالۍ د خوست په کرکټ لوبغالي کې د روانې اپرېل میاشتې په ۲۹ پیلېږي او د مې میاشتې پر ۱۷مه به پای ته ورسېږي.
دغه راز کرکټ بورډ له خلکو غوښتي چې د زرغون افغانستان جام لپاره د ټولنیزو رسنیو ځانګړې پاڼې جوړې شوې دي او تعقیب دې یې کړي.
د معلوماتو له مخې، په دغو لوبو کې به د افغانستان د کرکټ ملي لوبډلې لوبغاړي هم ولوبېږي.
د یادونې ده، د زرغون افغانستان کرکټ سیالیو د لومړي پړاو اتلولي د هندوکش لوبډلې ترلاسه کړى دى.
GET IN TOUCH
NEWSLETTER
SUGGEST A STORY
PAJHWOK MOBILE APP