کابل (پژواک، ۱۶ غویی ۱۴۰۲): د کورنیو چارو وزارت د افغانستان او ښي لاس شخصي، بېاسنادو او باقيلرونکو وسايطو مالکانو ته خبر ورکړی چې د سندونو اخيستلو او قانوني پړاوونو بشپړولو لپاره ژر تر ژره ځانګړو مرکزونو ته مراجعه وکړي.
د یاد وزارت په خبرپاڼه کې راغلي چې د کابينې او د اقتصادي او ټرانسپورټي کمېسيونونو له پرېکړو سره سم دغه ګام اخیستل شوی دی.
په خبرپاڼه کې ویل شوي، د افغانستان لاس او ښي لاس ټولو هغه وسایط لرونکو ته چې په ګمرکونو کې يې د واحد کاري مرکز له لارې ترافيکي او ټرانسپورټي اسناد نه وي اخيستي او هم د ناقانونه لاس ټولو هغه وسايط لرونکو ته چې تر اوسه يې د ۳۴ ولايتونو د ترافيکي چوپړتياوو په مرکزونو کې موقتي اسناد نه وي اخيستي، خبر ورکول کېږي چې ژر تر ژره دې د سندونو اخيستلو او قانوني طی مراحل بشپړولو لپاره يادو مرکزونو ته مراجعه وکړي.
سرچینې لیکلي، د نه ورتګ په صورت کې به د ټاکلې کمېټې له لوري په ښارونو، لويو لارو، ترمينلونو، هډو او واټونو کې وسايط درول کېږي چې بیا د شکايت حق نه لري.
Views: 160
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن