د فوټسال ملي لوبډله لبنان ته روانه شوه

کابل (پژواک، ۲ غبرګولی ۱۴۰۲): د افغانستان د فوټبال فدراسیون وايي، د فوټسال ملي لوبډله له لبنان سره د درېیو دوستانه لوبو ترسره کولو په موخه نن دغه هېواد ته روانه شوه.

د فوټبال فدراسیون نن په خپله فیسبوک‌پاڼه کې لیکلي، د هېواد د فوټسال ملي لوبډله له لبنان سره د درېیو دوستانه لوبو ترسره کولو لپاره د ایران د تمریناتي کمپ له پای ته رسېدو وروسته نن سهار له تهران څخه بیروت ته روانه شوه.

د معلوماتو له مخې، د افغانستان فوټسال ملي لوبډله به د روانې مې میاشې په ۲۵مه، ۲۷مه او ۲۹مه نېټه له لبنان سره درې دوستانه لوبې ترسره کړي.

د یادونې ده، د افغانستان فوټسال لوبډله څه موده مخکې د تمریناتي کمپ ترسره کولو لپاره ایران هېواد ته تللې وه.