کابل (پژواک، ۱۳ غبرګولی ۱۴۰۲): د افغانستان کابینې د هېواد په پنځو ولایتونو کې د ډبرو سکرو د تخلیې، بارګیرۍ، پروسس او بستهبندۍ لپاره د کارځایونو جوړولو پرېکړه کړې ده.
د چارو ادارې نن پر خپله ټویټرپاڼه لیکلي چې کابینې د ریاستالوزرا سیاسي مرستیال او کفیل مولوي عبدالکبیر په مشرۍ تېره سېشنبې غونډه وکړه.
سرچینې لیکلي: «د چارو ادارې لوی ریاست دې د ځمکو د تصفیې ګومارل شوي پلاوي راپور لنډیز د ځمکو د غصب مخنیوي او غصب شوو ځمکو د استرداد کمېسیون ته واستوي چې پر اساس یې پکتیا، پکتیکا، خوست، ننګرهار او کندهار کې د ډبرو سکرو د تخلیې، بارګیرۍ، پروسس او بستهبندۍ لپاره کارځایونه جوړېږي.»
سرچینه زیاتوي، په غونډه کې پرېکړه وشوه چې د معاشونو د تنظیم او تشکیلاتو کمېسیون دې د ملي بس دولتي شرکت ته د وزارتونو او ادارو د اضافي وسایطو د لېږد په اړه د مالیې وزارت غوښتنه وڅېړي او لازم تصمیم دې ونیسي.
په خبرپاڼه کې راغلي: «د کابینې په دې غونډه کې اداري کمېسیون ته دنده وسپارل شوه چې په نظامي مرکزونو کې له بهرنیو اشغالګرو ځواکونو پاتې شوو طبي وسایلو اړوند د څېړنې راپور په اړه دې له بشپړې ارزونې وروسته لازم تصمیم ونیسي.»
د چارو اداره د جزئیاتو له ورکولو پرته لیکي چې د اوبو او برېښنا وزارت له لوري د افغانستان له لارې پاکستان ته د ترکمنستان برېښنا د لېږد پروژې (ټاپ) لپاره د سکرتریت رامنځته کولو د طرحې مسلکي ارزونه او تصمیم اقتصادي کمېسیون ته وسپارل شول.
د افغانستان او ترکمنستان چارواکو د روان کال په غویي میاشت کې هوکړه کړې چې ډېر ژر به د ټاپ پروژې پلې کولو په موخه د پاکستان په ګډون درېاړخیزه ناسته ترسره شي.
غړيYou need to subscribe to view the full article. Please login or register a new account.
