میدانښار (پژواک، ۱۴ غبرګولی ۱۴۰۲): د میدان وردګو امنیه قوماندانۍ وایي، په دغه ولایت کې د دوو موټرو د ټکر له امله یو کس مړ او څلور نور ټپيان شوي دي.
د امنيې قوندانۍ له خوا پژواک خبري اژانس ته په رالېږل شوې خبرپاڼه کې راغلي چې یاده پېښه نن وروسته له غرمې د دغه ولایت اړوند د سره پله سیمه کې د فيلډر او سراچې موټرو د ټکر له امله شوې ده.
سرچينه زياتوي، په پېښه کې یو کس مړ او د یوې ښځې په ګډون څلور کسان ټپیان شوي دي.
سرچينه کاږي، د پېښې ټپیان پر وخت روغتون ته رسول شوي، خو د ټپي شوې مېرمنې حالت نازک ښودل شوي دی.
د کابل - کندهار پر لویه لار د سړک خرابوالي او موټر چلوونکو بېاحتیاطۍ له امله په دې وروستیو کې دا ډول پېښې زیاتې شوې دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن